2012.12.31 御香宮神社 (京都府)

12月31日上午利用京阪電鉄提供嘅one day pass到京都府嘅伏見遊覽。

首先去御香宮神社睇睇，呢處係「伏見城大手門」，神社裏面有好多關於中國二十四孝故事嘅壁飾，係指定重要文化財。

御香宮神社以祈求安產最靈驗。

臨近新年，裏面擺放咗新年開運嘅公告，仲有提示來年犯太歲嘅年份。

睇完神社就喺附近行吓，經過呢個天皇陵墓入口，打算都入去睇吓，點知行咗半個鐘都未行到去真正嘅入口，由於興趣不大，因此放棄唔睇囉。

喺伏見嘅商店街食烏冬&布丁，又買咗呢個snoopy福袋。