2019.4.22 八幡山城 (滋賀県)

 

搭近鉄去近江八幡駅轉巴士，大概七分鐘車程，再行五分鐘就到八幡山ロープウェー口。

搭吊車到達八幡山城址駅就見到個スタンプ，蓋完印，先上展望台，裏面有一啲八幡山城嘅資料。

山上有瑞龍寺門跡、本丸跡等遺址，有時間可以行下睇下，因為行程緊密，逛咗一陣就趕快搭巴士回程喇。

2019.4.21 岸和田城 & 飯盛城 (大阪府) 大和郡山城 & 宇陀松山城 (奈良県)

 

朝早出發到岸和田城公園，由車站行去約15分鐘，附近環境好清靜。

岸和田城個スタンプ就喺天守閣裏面，天守前面有一個特別設計嘅庭園。

第二站係大和郡山城，個スタンプ就喺柳沢文庫裏面。

大和郡山城而家係一個公園，公園範圍裏面可以見到城址遺跡嘅標示，附近有間柳沢神社。

第三站係宇陀松山城，個スタンプ就喺宇陀市松山地区まちづくりセンター嘅「千軒舎」裏面，時間緊迫，蓋完印走即刻趕去最後一站。

最後一站係飯盛城，個スタンプ就喺大東市立歴史民俗資料館裏面，蓋完印已經七點，無時間去睇下個城喇。

2019.4.20 出石城 (兵庫県)

 

搭JR去豐岡駅，再轉全但巴士，大概半個鐘就到出石，出石城嘅スタンプ就喺いずし観光センター裏面。

出石城又叫有子山城，從出石城登山口行上去，可利用入口提供嘅手杖慢慢行，可以俯瞰城下町嘅風景。

出石城嘅櫓and天守應該係後期重建。

除咗出石城，可以經稻荷神社嘅鳥居樓梯行上山，幾特別架。

走之前就試下但馬嘅手打蕎麥麵，好出名架。