2016.7.29 竹田城 (兵庫県)

朝早到達竹田駅，就係為咗蓋個名城印。

竹田駅周邊好靜，駅裏面有個わだやま観光案内所，想知附近有乜景點就要入去睇下喇。

竹田城係日本一嘅山城，有天空之城嘅稱號。

呢條就係通往天空之城嘅通道喇。

下次有時間一定要行下呢個天空之城。

2016.7.28 千早城 (大阪府) & 高取城 (奈良県) & 篠山城 (兵庫県)

今天嘅行程相當充實，第一站係千早城，到達河内長野駅，去観光案内所睇睇。

跟住搭南海バス去「金剛山ロープウェイ」，車程大約35分鐘，然後喺「金剛登山口」落車。

落咗車，行五六分鐘就到達金剛山麓嘅「まつまさ」，蓋完名城印，就喺附近行一陣。

金剛山係遠足嘅好地方，有時間又可以搭吊車上山睇風景。

第二站係高取城，搭近鉄去壺阪山駅，一落車就見到高取町嘅入口。

跟住指示，行10分鐘就到達たかとり観光案内所「夢創舘」。

除咗高取城，周邊都有唔少景點架。

匆匆忙忙，終於到最後一站篠山城喇。喺篠山口駅落車，轉搭神姫バス到「二階町」，行10分鐘就到達大書院。

第一時間先蓋印，印完就周圍行下睇下。

有時間嘅話可以買4館共通入館券睇下啲歷史文物，大人600円，包括歴史美術館、武家屋敷安間家史料館、青山歴史村&篠山城大書院。