8月5日到達城崎時大概係傍晚六點幾，溫泉嘅循環巴士已經收工，於是入去觀光案內所問吓點樣去預訂咗嘅溫泉旅館，果度D人非常helpful，立刻打電話俾溫泉旅館，叫佢哋派架車嚟接我哋，等咗大約十分鐘就上車喇，真係唔該晒。
8月6日一早起床，喺《大江戸温泉物語 きのさき》酒店食完自助早餐，睇吓手信，跟住就check
out，然後拖埋行李去城崎温泉駅附近嘅locker，因為今晚會試另外一間温泉酒店，而且喺好遠嘅地方，如果先搬行李去，一來一回就浪費金錢
& 時間。
今日先去搭城崎ロープウェイ吊車上大師山山頂，俯瞰城崎温泉嘅風景。
喺山頂我用250円買咗一set飛碟，只要三隻碟能掟中「一願成就」果塊板，就會帶來好運，最後中咗一隻，不過只係啱啱掟中側邊，希望都會有D好運啦！
沿住「散步道」行，慢慢睇吓風景。
呢棵「和合樹」，有D似故宮裏面果棵「連理樹」。
山上有間資料館，介紹當地一位好有貢獻嘅偉人。
睇完山上嘅風景，就落返溫泉區附近逛吓，試咗份たまごプリン，有興趣又可以整吓溫泉蛋。
城崎溫泉周邊好多寺院。
路邊有可供人飲用嘅溫泉水。
城崎有七間好出名嘅日浸温泉(駅舎温泉さとの湯／一の湯／御所の湯／まんだら湯／地蔵湯／鴻の湯／柳湯)，收費約600円至800円。
行到大約三點幾就去locker攞行李，因為呢晚住嘅酒店有迎送服務，所以我哋又入去觀光案內所搵人幫手打電話，等咗15分鐘架車就到喇。
呢間《心温まる宿 ひだまり》溫泉酒店嘅位置真係非常偏僻，入咗去就真係費事出返嚟。一去到先嚟一份welcome雪糕，味道唔錯。
《心温まる宿 ひだまり》溫泉旅館D房一般，溫泉尚算OK，包早晚兩餐定食，連入湯稅二人一室每位10149円，晚餐定食嘅份量好少，唔夠飽。
早餐算OK啦。
最後喺車站附近嘅海鮮店買咗份便當，搭車去下一站。
