喺日本神話故事中，天橋立本來喺通往天上嘅天梯，倒下之後就形成而家嘅景觀。
想睇清楚呢個奇觀，最好係去府中駅搭纜車或坐吊椅到傘松公園喇。
傘松展望台有個「股のぞき」，意思係「跨下望」，即係彎腰從兩腿之間望向後方嘅動作，咁樣就可以睇到天橋立好似架喺天上嘅橋一樣。
呢個環狀物體係用嚟開運祈福嘅，叫做「かわらけ」，D人會買一set三個嘅「円盤」，每套200円，掟中個圈就有運行喇。
天橋立パノラマハウス係食嘢&買手信嘅地方。
除咗睇自然景觀，天橋立附近都有D景點，呢間元伊勢籠神社好出名，係三重縣伊勢神宮嘅故鄉，好有歷史價值。
